2016年8月5日（星期五）

自從買咗個新茶壺之後，呢排成日係屋企嘆茶，嘆中茶，綠茶，花茶都得，好正。

8月5日（星期五）：老公收工後，一齊去威尼斯shopping, 順便去埋威尼斯葦嘉勞意大利餐廳食飯，原來佢有個set有澳門人6折優惠，好抵喎，試下先。

今餐好好味，食飽飽返歸啦。

7月28日（星期四）

7月28日（星期四）：今日收到亞仔係日本幫我買既綠茶啦，即刻整返個抹茶布甸嘆下先。

7月30日（星期六）：今早俾老公捉咗上松山運動，無駕車呀，由屋企行上去，咁啱撞到維他奶公司宣傳，有免費維他奶飲。咁鬼熱，爽下先。

下午去咗威尼斯名優展，今年場既氣氛唔錯。

咁啱想買套茶具泡綠茶飲，來來見到，250一套，但手工好鬼差，無買，點知今日會展見到，仲全場買一送一。我就係買咗藍色個套啦，220兩套，抵啦，一套依家用，一套做後備。

7月31日（星期日）：今朝整熱香餅做早餐，但原來程序都算複雜。

中午用蕃茄，洋蔥，香腸，茄膏整咗個意粉食，第一次整，幾好味喎。

亞女返馬會兼職，成日學沖涷飲，所以沖咗涷奶茶飲。

午餐後用噚日會展買既椰子粉黎整椰汁糕，可能魚膠粉多咗小小，硬咗小小，唔夠甜，味道都ok。

7月22日（星期五）

7月22日（星期五）：亞女收工後買咗炸野俾我食，正呀。

7月24日（星期日）：中午去葡京四五六飲茶

四個人叫咗咁多野，好鬼飽，不過個蠔幾難食下。

下午去烘焙店買咗d材料返屋企學整oreo芝士涷餅

不過整完出黎麻麻，餅底唔夠硬，牛油可能唔夠多，芝士唔夠甜，芝士味都唔夠濃。

7月14日（星期四）

7月14日（星期四）：係網上見到個簡單宵夜，學下整啦。

本來都ok既，不過夜晚整完放到凌晨三點先食，口感差d

7月15日（星期五）：星期五晚通常都比較餵食

7月17日（星期日）：今日去漁人碼頭會展睇野，但無野啱喎，兩手空空咁走。夜晚同朋友去筷子基弘大BBQ食韓燒，味道普通，價格偏貴。

7月8日（星期五）

7月8日（星期五）：今日約咗朋友去竹灣酒店食下午茶，環境好，價錢可接收，味道都好。

噚晚第一次整抹茶雲石麵包，樣ok喎，但無咩抹茶味，下次應該唔會再整。

7 月9日（星期六）：今日叫亞女，同佢d同學係屋企整串燒俾我食。

自己整又平，二百幾蚊任食，又好玩，唔錯呀，好彩佢地整哂，同埋洗哂碗咋，如果唔係做死囉。