2016年4月27日

今日指定早餐，營養米糊+咖啡。

今日開始連續三日, M去咗台灣出差，我終於可以放鬆心情，不停上網，佢叫我做既野暫時擺低先。

中午Min搵我食lunch，我地去咗南亭。

收工返到屋企後, 又開始睇一套國內劇, 叫<<還是夫妻>>，我真係好鐘意睇d BB劇。

夜晚飲多杯鮮榨雪梨檸檬汁，又完結一日啦。

2016年4月26日

呢兩日心情太差啦, 係咪份份工都一定要受氣、忍氣吞聲？我儲埋儲埋兩個星期既正能量, 俾佢激一激, 全部變返哂負能量。我係咪要繼續咁樣呢？或者我決心搵過第二份工，將來個上司會比呢個好10倍，就算好小小，我既工作生涯都好過d呀。不停係到諗，最後...決定，辭職。
我呢個決定，屋企人都非常支持，好啦，預備適應新環境啦。

之前拎咗HKD25000俾Mike，預備交學費，一直等匯率，最後一日，終於去返7算以下啦，點知，左算右算，原來日本用現金換yen係超級唔抵，比係澳門換定，大約蝕咗3500左右，心都痛埋。

為咗慶祝辭職，和蝕咗3500兌換費，今晚一家三口去嬴到粥食餐先，食咗個卜卜蜆、wasabi手撕雞、鮮牛肉、仲有下圖唔知叫做咩既(有d似麵根)

掛住食，無影相，相片全部係網上攞架。

2016年4月24日(星期日)

今早返工又俾女魔頭煩,要平心靜氣。

星期日九點多起身, 都係整返營養米糊做早餐，中午一家三口上松山做運動 。

兩父女跑呀, 好似幾有密契咁, 我就梗係行啦。咁鬼有緣, 係松山撞到爺爺。

中午返到屋企榨杯蔬果汁飲先, 今日用咗青瓜, 椰菜, 雪梨, 檸檬黎榨, 好飲。

中午一邊食飯, 一邊睇咗呢套戲, 都ok呀。

近期一直潮濕天，成屋牆身好多地方發霉，老公同事推介係淘寶買呢支野，唔駛RMB40。今日到咗，一噴後佢即刻好興奮，話d霉甩哂，幾好喎，唔駛油油翻新牆身。覺得幾好，推介俾有需要既親友，可自行上淘寶買。但我地始終都係第一日用，有冇副作用就要再過多一段日子先知啦。

夜晚煲咗淮山紹實玉竹排骨湯飲, 一邊飲, 一邊睇多套電影。

呢到印度片幾新鮮, 講印度人亂信神, 都幾好睇。

2016年4月23日

今日星期六， 梗係瞓到自然醒啦，起身後整咗個營養米糊做早餐。

除咗圖片之材料外, 我仲加咗杏仁添, 美顏嘛。

繼續煲韓劇, 到中午時份, 就整蔬果汁飲, 材料有蕃茄,椰菜, 雪梨, 檸檬。

好飲呀, 有好香既蕃茄味和檸檬味。

之後陪Min去Galaxy和威尼斯shopping, 我都買到對鞋呀。

買親鞋都過千, 呢對都成1300蚊, 心痛。

晚餐就去咗刁廚.紐利

無咩影相, 我係跟Tiffany個blog介紹去食架, 我地三個人, 根本就食唔哂。

三個人剩返咁多野, 唯有打包啦。

因為近排工作成日受氣, 為咗放鬆心情, 晚餐後走咗去買香氛機返屋企。

無錯, 揀咗個舊款架, 因為屋企有放濕香氛機, 但因為要成日加水, 我又懶喎, 成日都唔用, 所以用個火架, 方便d嘛。

今晚追埋<<回來吧大叔>>大結局, 夜咗, 01:00先瞓

嘩, 今早返工超大雨, 又行雷, 一把雨傘都唔掂呀。

噚日返工都係受氣架啦，M簡直雞蛋裡挑骨頭，但要學識冷靜，認真就輸啦。

早幾日訂咗王君馨公司既頸鍊，今朝終於送到黎公司啦。其實平時我唔帶呢d首飾，呢條係因為鍊墜入面可放香氛綿花球，所以就吸引我。

開始學習養生啦，一邊泡腳一邊睇養生食譜，呢本書好厚架，淘寶唔駛廿蚊。主要介紹豆漿、米糊、蔬果汁。噚晚我地就整咗雪梨檸檬汁，兩個雪梨、半個檸檬，唔錯喎，好香檸檬味，有d清新既感覺。