2016年6月21日 （DIY壽司）

2016年6月20日（星期一）：今日超頭痛，走去飲杯咖啡治治先。

基本上我分唔出Starbuck同Pacific, 邊間d咖啡好飲d。

夜晚老公整咗個鹽酥雞俾我食，好好味，比出面仲好食，襯埋Sake, 正呀，但飲咗細半酒，已經又想嘔又暈啦。

2016年6月21日（星期二）：今日屋企部抽油煙機壞咗，老公拆咗出黎研究半日都搞唔掂，最後趁間舖頭搬遷大減價，900蚊買咗部抽油煙機，返屋企自己裝。中午無飯食，買金成米，耐唔耐食真係好好味。

今日又動功整麵包，整咗個紅茶練奶包，賣相一般，味道一般。

下午去咗買整壽司材料，我要學整壽司。

整壽司米好重要，我用咗1比1既份量，用600ml既珍珠米，加600ml既水，煮前浸20分鐘，煮熟後再焗20分鐘。之後放入大器皿入面，趁熱加入60ml既壽司醋，平行式咁搞拌，放涼後就可開始整壽司啦。
因為第一次整，壽司入面既餸唔係預得太好，所以比較小餸，下次整會好味d架啦。
亞女好叻呀，佢技術性比我叻，所以都搞咗我好多整野食既秘訣。