2016年6月6日（星期一）

今日突然想學人整麵包，就不停上網搵教學，搵到個簡易既免揉麵包教學，即刻試下先。開頭都ok既，但係我誤解咗台灣人講冰箱，我以為係我地既冰格，就將d發酵麵團放入冰格，結果酵菌死哂，麵團失敗，原來冰箱即係雪櫃。

呢個就係失敗，無發大既麵團。

因為太想整麵包啦，話哂近排成日整蛋糕，但麵包比蛋糕健康，因為牛油，糖等份量相對較小，所以等老公收工，走咗去八佰伴買咗部麵包機。

呢部機大約MOP$3000, 送咗兩盒麵包機麵粉，都成四十蚊盒架。

夜晚即刻試整朱古力包，因為大約要整5個鐘，啱啱好朝早起身可以食。

出爐啦，又鬆軟，又香，好正呀。

既然有麵包，梗係整返個靚早餐先啦。

煙肉，蕃茄，炒蛋配麵包
芒果酦奶
即磨齋啡
我唔客氣啦