7月22日（星期五）

7月22日（星期五）：亞女收工後買咗炸野俾我食，正呀。

7月24日（星期日）：中午去葡京四五六飲茶

四個人叫咗咁多野，好鬼飽，不過個蠔幾難食下。

下午去烘焙店買咗d材料返屋企學整oreo芝士涷餅

不過整完出黎麻麻，餅底唔夠硬，牛油可能唔夠多，芝士唔夠甜，芝士味都唔夠濃。

7月14日（星期四）

7月14日（星期四）：係網上見到個簡單宵夜，學下整啦。

本來都ok既，不過夜晚整完放到凌晨三點先食，口感差d

7月15日（星期五）：星期五晚通常都比較餵食

7月17日（星期日）：今日去漁人碼頭會展睇野，但無野啱喎，兩手空空咁走。夜晚同朋友去筷子基弘大BBQ食韓燒，味道普通，價格偏貴。

7月8日（星期五）

7月8日（星期五）：今日約咗朋友去竹灣酒店食下午茶，環境好，價錢可接收，味道都好。

噚晚第一次整抹茶雲石麵包，樣ok喎，但無咩抹茶味，下次應該唔會再整。

7 月9日（星期六）：今日叫亞女，同佢d同學係屋企整串燒俾我食。

自己整又平，二百幾蚊任食，又好玩，唔錯呀，好彩佢地整哂，同埋洗哂碗咋，如果唔係做死囉。

7月3日，珠海自駕遊最後一日

7月3日（星期日）：今早起身駕車去江門行下，亞女駕，第一次係大陸駕車，係高速一直行最高速120，嚇鬼死我啦。

到咗之後食返餐農家菜先，六個餸，有鵝，有魚扣，勝瓜，菜心，蜆，小炒皇，加埋285，我覺得好好味，佢地覺得味道偏重。

駕車去江門遊下先

我地真好彩，連續十日中國遊，天氣一直不錯，就算落雨，多數都係室內或者車內，回程返九州港途中先係超大雨，但返到南屏又無雨噃。

佢地坐21：30船由九州港返香港，送咗佢地船之後，我地返拱北還車。

拜拜啦，下次有機會再租你呀。

7月2日，珠海自駕遊正式啟動

7月2日（星期六）：朝早先駕車去石岐食石岐佬，嘩，好多人呀，星期六和日仲要加收10％附加費。

                                                       呢餐係佢地覺得最好味既一餐

跟住係石岐遊一陣車河，經過突然見到亞麻細個住既地方，亞哥好興奮，即落車影相，之後再駕車去廣州。

 

                                                    途中見到架大貨車跌咗落坑

到達廣州沙面，泊車10蚊一個鐘。

跟住去上下九步行街，因為無車位，放底咗佢地自己行，我地搵個地方停下等下，見到有間燉湯幾平下，就試下啦。

ok喎，叫多一個手撕雞套餐，加多個支竹火肉既剩餸，加埋先50蚊。一黎平，二黎完全係我地既好味，梗係啦，廣東口味嘛。

之後去廣州塔

已經八點幾啦，未食晚餐架，要走啦，仲要駕個幾鐘車返中山食烤魚呀。