6月30日：珠海自駕遊第一日

6月30日（星期四）： 噚晚九點機先由青島返屋企，好累呀，中午無咩別準備，老公開咗罐鮑魚罐頭用黎伴公仔麵。

下午去珠海屋企，等亞哥一家四口到，佢地由香港搭船直去九洲港，再轉的士黎，車費85。到咗之後出去晚餐，去祥旗酒店，7個人食咗377，食飽飽走去玩電動車。
上年洛洛都仲未夠腳玩電動車，今年終於夠腳啦，佢兩兄妹好快就上手啦，玩得好開心。
過咗無幾耐，就返屋企休息啦，因為聽朝要去橫琴長隆玩呀。

7月1日（星期五）：今朝起身call滴滴去長隆，兩架車加埋130蚊。今日係香港假期，但唔係大陸假期，所以長隆算小人，遊戲都唔駛等太耐。

買咗套票食午餐，一張套票100蚊，包午餐一份和跟晚餐一份（ 價值68以下），中午先試雨林餐廳。只不過食快餐，但都要等咗75分鐘先有得食，激鬼死我地啦，味道唔好，只有豬頸肉套餐係較好味。

食完午餐繼續玩啦

晚餐唔記得咗咩名，係西餐。

夜晚睇埋煙花表演先走

散場囉，我地租咗架七人車，48小時一千有找，老公返咗拱北攞車黎接我地。返到屋企後去搵宵夜食，食燒蠔，串燒，又係等咗個幾鐘先有得食，係街邊，環境又差，食完就返屋企休息啦。