7月3日，珠海自駕遊最後一日

7月3日（星期日）：今早起身駕車去江門行下，亞女駕，第一次係大陸駕車，係高速一直行最高速120，嚇鬼死我啦。

到咗之後食返餐農家菜先，六個餸，有鵝，有魚扣，勝瓜，菜心，蜆，小炒皇，加埋285，我覺得好好味，佢地覺得味道偏重。

駕車去江門遊下先

我地真好彩，連續十日中國遊，天氣一直不錯，就算落雨，多數都係室內或者車內，回程返九州港途中先係超大雨，但返到南屏又無雨噃。

佢地坐21：30船由九州港返香港，送咗佢地船之後，我地返拱北還車。

拜拜啦，下次有機會再租你呀。